Tsertsa

Dichonéo

Contenù di site

Multimédià

Teste eun patoué

Documàn

Perquè non prèdja patoué én Val d'Ohta ?

Perqué prédjé patoué

(patoué dé Bretsón)

Né y Alpe, a latinizatsión di Gaules l'a pasà a légna dé partadjo dé y éve qu'a diviza o  Rhône dé tsou dou Po é di chè affluèn, dé manira qué le léngue prèdjà so le montagne dou territouére qu'ou sé troa éntrémì dou col dé Tenda é a Roja(Mont-Rose) sé atacon pa a latinizatsión qué l'a feu nache o piémontés, ma a tsella qu'a l'a donà a lénga d'oc é o francoprovensal[1].

O pasadjo di prèdjè galloromàn so a cohta orientala dé y Alpe l'a portà a un continuum dou pouén dé vu jéolénguestécco, én béttèn énsémbio le populatsión dé tsé é dé la dé eunna tchéna dé montagne parì ata.

A rajón dé tsou fénoméne a l'arua da périodda doucque tsé léngue l'an forma-se, pi én particuyé a l'an 575, corra Gontran, réi mérovindjèn dé Bourgogne é da réjón dé Orléans, apré qu'ou l'ae tchatsà le Lombar da Provence, ou y ira én trén d'aprechté eunna gnoa echpéditsión militére. Le Lombar, donca, i l'an préférà bétté-se d'acort é i l'an récognù l'otorité di Franc so a Val d'Ohta é so a Val dé Suza, to le iour col parì émportant, é co so le ate val dou Po é di chè affluèn, tanque o col dé Tenda. A modé dé tsétta data, a Val d'Ohta a l'a partadjà o dechtìn di Gaules é Pont-Saint-Martin ou l'a vénì a fin qu'a divizae le prèdjé da Gaule dé tsi dé l'Italie dou Nord, a grousa limitte éntrémì dou fransé é dou tayàn.

A féodalité l'a renfortsà l'ézichténtsa dé tsétta comunité qué, ou djor dé ouèi, non poret créyé transfrontaliéra é le Savouè, dou iour la, i l'an beuttà le baze pé eun Echtat so douch versant. Tsétta situatsión a l'at alà avante tanque o 1860-1861, to l'annessión da Savouè a Franse é l'Unité d'Italie : dé tsou momèn o baradjo dé y Alpes otchidentale l'a vénì frontira d'Echat.

[1] Cf. Tuaillon, Gaston, Le francoprovençal dans le bassin du Pô, « Nouvelles du Centre d'Études Francoprovençales René Willien » 48, 2003, pp. 6-17.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón